ඉබෝලා වෛරසය මේ වනවිට අප්‍රිකානු කලාපය තුල යම් ආකාරයක හිස එසවීමක් යලි දක්නට ලැබෙන බවත් කොංගෝ රාජ්‍යය තුල පසුගිය දෙන සති දෙක ඇතුලත එම වෛරසය හේතුවෙන් පස්දෙනෙකු මියගොස් ඇති බවත් ලෝක සෞඛ්‍ය සංවිධානය සඳහන් කර සිටී .
මෙම වෛරසය අසාධනය වූ තවත් පිරිසක් මේ වනවිට එරට වන්ගාටා ප්‍රදේශයේ රෝහලක ප්‍රතිකාර ලබන බවද ලෝක සෞඛ්‍ය සංවිධානය අනාවරණය කර ඇත.
2018 වසරේදී අප්‍රිකාව තුල පැතුරුණු මෙම ඉබෝලා වසංගතයෙන් සම්පූර්ණයෙන්ම මිදීමට කොන්ගෝ රාජ්‍යයට මෙතෙක් හැකියාව ලැබී නොමැති අතර ඒ අනුව මෙසේ වරින් වර එම වෛරසය මතුවීම සිදුවියහැකි බවත් ලෝක සෞඛ්‍ය සංවිධානය සඳහන් කර ඇත.
කෙසේ වෙතත් කොරෝනා වෛරසයද කොංගෝව තුල පැතිරයමින් ඇති බැවින් මෙම ඉබෝලා වෛරසය වහා පාලනය කිරීමට අවශ්‍ය පියවරයන් ගත යුතුව ඇති බවත් එරට සෞඛ්‍ය අංශ සඳහන් කර ඇත.
2018 වසර තුල කොන්ගෝව තුල ව්‍යාප්ත වූ ඉබෝලා වසංගතය හේතුවෙන් එරට 2500 කට ආසන්න පිරිසක් මියගියහ .
