එකිනෙකාට සුභ පැතීමේදී මෙතෙක් තම රටතුල භාවිතාවූ , “අතට අතදීමේ” චාරිත්‍රය වෙනුවට ඉදිරියේදී ඉන්දීය ක්‍රමයට අනුව යමින් “නමස්තේ” යයි කියා දෑත් එක්කොට අචාර කිරීමේ ක්‍රමය භාවිතා කරන ලෙස ඊශ්‍රාලයේ අග්‍රාමාත්‍ය බෙන්ජමින් නෙතන්යාහු මහතා සිය ජනතාවගෙන් ඉල්ලා සිටී .
කොරෝනා වෛරසය රට තුල පැතිර යාම පාලනය කිරීමේ උපක්‍රමයක් ලෙස මෙම අචාර ක්‍රමය තාවකාලිකව හෝ ක්‍රියාත්මක කරන ලෙසද නෙතන්යාහු මහතා එරට මාධ්‍ය හරහා ජනතාවගෙන් ඉල්ලා ඇත.
මෙම මාධ්‍ය හමුවේදී ඉන්දීය ක්‍රමයට අචාර කරන අන්දම නිරූපණය කර පෙන්වීමටද ඊශ්‍රායල අගමැතිවරයා පියවර ගෙන තිබීම කාගේත් විශේෂ අවධායට ලක්විය .
මේ අතර මේ වනවිට යුරෝපයේ රටවල් කිහිපයක්ම අතට අතදී අචාර ක්‍රමයෙන් හැකිතාක් ඈත් වනලෙස සිය ජනතාවගෙන් ඉල්ලා ඇති බවද වාර්තාවේ.
සිප වැලඳ ගනිමින් අචාර කිරීමද බොහෝ දුරට ඉවත්කළ යුතු චාරිත්‍ර ක්‍රමයක් වන බව මේ වනවිට ලොව පුරා සෞඛ්‍ය බලධාරීන් ජනතාවට දැනුම් දී ඇත
