ඊශ්‍රායලය හා බහරේනය සිය සබඳතා පූර්ණ ලෙස සාමාන්‍ය පරිදි පවත්වාගෙන යාමට ඓතිහාසික එකඟතාවකට පැමිණඇත.
අමෙරිකානු ජනපති ඩොනලඩ් ට්‍රම්ප් නිකුත් කළ ට්විටර් පණිවුඩයක් මගින් මේ බව නිල වශයෙන් නිවේදනය කර ඇත .
ඒ අනුව ගත වූ දින 30 තුළ ඊශ්‍රායලය සමග සබඳතා සාමාන්‍ය අතට පත් කිරීමට ගිවිසුම්ගත වූ දෙවැනි අරාබි රට බහරේනයවේ.
මීට පෙර එක්සත් අරාබි එමීර් රාජ්‍යය ද ඊශ්‍රායලය සමග මෙවැනිම ලෙස ඓතිහාසික සාම ගිවිසුමකට එළඹුණි.
අමෙරිකානු ජනපති ඩොනල්ඩ් ට්‍රම්ප් ඉකුත් ජනවාරි මාසයේ මැදපෙරදිග කලාපයේ රටවල සාමය ඇති කිරීම සඳහා වන සැලසුම ඉදිරිපත් කළේ ය.
ඊශ්‍රායල – පලස්තීන අර්බුදයට දිගු කාලීන විසඳුමක් ලබාදීම මෙම සැලසුමේ අරමුණ වී තිබේ.
