ඊශ්‍රායලයේ වාර්ෂිකව මෙරොන් කන්ද පාමුල පැවැත්වෙන ලැග් බී ඔමර් ආගමික උත්සවයකදී සෙනඟ අතර තැලී පොඩිවීම නිසා පුද්ගලයින් 44 දෙනෙකු මිය ගොස් තිබේ.
ඕතඩොක්ස් යුදෙව්වන් දස දහස් ගණනක් මෙම උත්සවයට සහභාගී වූ මෙම උත්සවයේදී තවත් දුසිම් ගණනක් තුවාල ලැබූහ.
අගමැති බෙන්ජමින් නෙතන්යාහු එය “මහා ව්‍යසනයක්” ලෙස විස්තර කළ අතර තුවාල ලැබූවන් වෙනුවෙන් යාඤා කරන බව ද පැවසීය.
මෙය කොවිඩ් වෛරස් වසංගතය ආරම්භ වූ දා සිට ඊශ්‍රායලයේ පැවති විශාලතම උත්සවය විය.
