ඕස්ට්‍රේලියාවේ මොනෑෂ් විශ්වවිද්‍යාලයේ ඉගෙනුම ලබමින් ශ්‍රී ලාංකික සිසුවියක වන නිසලි පෙරේරා තරුණිය කිසියම් පුද්ගලයකු විසින් තම මෝටර් රථයෙන් හප්පා පලාගොස් තිබේ.
ඊයේ රාත්‍රි 9.45ට පමණ වූ මෙම අනතුරින් මියගිය ලාංකික තරුණිය 20 හැවිරිදි අයෙකි.
අනතුර සිදුවී තිබුණේ වෙලිංටන් පාර ක්ලේටන්හිදී ය.
මාර්ගය අයිනේ ඇය ඇවිදිමින් සිටියදී වේගයෙන් ආ අඳුරු පැහැති සෙඩාන් රථයේ ඇය ගැටෙන අයුරු සීසීටීවී කැමරා පටයක සටහන් වී ඇත.
වාහනයේ ගැටීමෙන් පසුව එම රථය අනතුර වූ ස්ථානයට මීටර් 700ක් පමණ දුරින් පිහිටි පැරණි දේවස්ථානයකට යන මාර්ගයක අතහැර දමා ගොස් ඇත.
ඝාතකයා හඳුනාගැනීමට මෙල්බර්න් පොලීසිය මහජන සහාය පතයි.
පසුගිය වසරේදී මොනෑෂ් සරසවියට ව්‍යාපාර කළමනාකාරණය පිළිබඳ අධ්‍යයනයට පැමිණි ඇය එහි දීප්තිමත් සිසුවියක බව සරසවි මිතුරු මිතුරියෝ පවසති.
