ඕස්ට්‍රේලියාව වසාගනිමින් පැතිරෙන ලැව්ගිනි දුමාරය නවසීලන්තය දක්වා කිලෝමීටර් 2,000 ක් (සැතපුම් 1,200 ක්) පැතිර තිබේ.
කහ පැහැයෙන් යුතුව දුමාරයක් ලෙසින් නවසීලන්තයට පළමු වරට මෙම ලැව්ගිනි දුමාරය පැමිණියේ පසුගිය 31 වැනිදායි.
ඕස්ට්‍රේලියාවේ ලැව්ගිනි හේතුවෙන් නවසීලන්තයේ ග්ලැසියර් දුඹුරු පැහැයට හැරී ඇති බවත් ඒවා ඉක්මණින් දියවීමේ අවදානමට ලක්ව ඇති බවත් බලධාරීන් අනතුරු අඟවයි.
මෙම ලැව්ගිනි මාරාන්තික වීම නිසා ඔස්ට්‍රේලියානු රාජ්‍යයක් වන නිව්සවුත්වේල්සයට අද උදෑසන සිට ඉදිරි දින 7ක කාලය හදිසි තත්ත්වයක් ප්‍රකාශයට පත්කිරීමට ඊයේ පියවර ගැනිණි.
නිව්සවුත්වේල්සයට මෙලෙස මාස 3ක් තුළ හදිසි තත්ත්වයක් ප්‍රකාශයට පත්කළ 3 වැනි අවස්ථාව මෙයයි.
ලැව්ගිනි හේතුවෙන් මේ වනවිට 18 දෙනෙකු පමණ මියගොස් ඇත.
සත්ත්ව මරණ මිලියන 500 ක්ද හෙක්ටයාර මිලියන 5 ක් ගිනි ගනිමින් ඔස්ට්‍රේලියාවේ ලැව් ගිනි තවත් දරුණු වෙමින් පවතී.
