කොවිඩ් 19 වසංගතය හමුවේ සිදුවන අපුරු සිදුවීම්ද නැතිවා නොවේ. ඉතා කුඩා සිදුවීම් වුවද ඒවා රසවත්ය.
වෙසක් සතිය වෙනුවෙන් ඉන්දීය රජය ශ්‍රි ලංකාවට ටොන් 12.5ක ඖෂධ පරිත්‍යාග කිරීමට පියවර ගත්තේය. ඒ ඉන්දයීය අගමැති නරේන්ද්‍ර මෝදිගේ උපදෙස් පරිදිය. මෑතකදී ඉන්දියාව ලංකාවට මෙසේ පරිත්‍යාග කළ සිවුවැනි ඖෂධ තොගය මෙය වේ.
මෙම ඖෂධ තොගය බැදී තිබෙන අපූරු සැගවුණු කතාවකි. ඒ ශ්‍රි ලංකාවේ නව ඉන්දීය මහකොමසාරිස් ගෝපාල් බාග්ලේ මෙම භාණ්ඩ ප්‍රවාහන ගුවන් යානයේ නැගී පැමිණීමයි. සාමාන්‍යයෙන් ඉන්දියාවේ සිට ලංකාවට මගී යානයක නැග ඒමට තිබු සැප සම්පත් මෙම භාණ්ඩ ප්‍රවාහන යානයේ නැතත්, ඔහු ලංකාවට පැමිණෙන පළමු දිනයේම (මැයි 08) ටොන් ගණනක ඖෂධ තොගයක් රැගෙන පැමිණීම විශේෂිතය.
වෙසක් මංගල්‍යය වෙනුවෙන් ඉන්දීය රජයේ සුබ පැතුම් ලංකාවට පා තැබු මොහොතේම පුදකර සිටි නව ඉන්දීය මහකොමසාරිස් ගෝපාල් බාග්ලේ ශ්‍රි ලංකාව හා ඉන්දියාව අතර පවතින්නේ එකමුතු හා ශක්තිමත් මිතු දමක් යැයි කීවේය.
