ඉන්දියාවේ ආන්ද්‍රා ප්‍රාන්තයේ වීශාකපට්නම් ප්‍රදේශයේ කර්මාන්තශාලාවක සිදුවූ ගෑස් කාන්දුවකින්පුද්ගලයින් 08 දෙනෙක් මරුමුවට පත්ව ඇත.
මෙම ගෑස් කාන්දුව හේතුවෙන් රෝගීවූ පුද්ගලයින් සංඛ්‍යාව 1,000 ඉක්මවන බවත් ඉන් පුද්ගලයින් 200ක් දැනටමත්රෝහල් ගත කොට ඇති බවත් ඉන්දීය මාධ්‍ය සඳහන් කර සිටී.
මේ වන විට එම කර්මාන්තශාලාව ආසන්නයේ පිහිටි ගම්මාන 03ක ජනතාව ඉවත් කොට ආරක්‍ෂිත ස්ථාන කරා යොමු කිරිමට බලධාරින් විසින් අවශ්‍ය පියවර ගෙන තිබෙ.
කර්මාන්තශාලාවෙන් නිකුත් වූ මෙම ගෑස් ආඝ්‍රාණය වීමෙන් ඇතැම් පුද්ගලයින් සිහිසුන්ව මග දෙපස වැටී සිට හමුව ඇති බවද එරට මාධ්‍ය වාර්තා කර සිටියා. ඒ අනුව අවට ගම්මානවල පිහිටි නිවෙස් එකිනෙක පරික්ෂා කිරිමට එරට ආරක්ෂක අංශ විසින් පියවර ගෙන ඇත.
