දම්පත් රණසිංහ
හිටපු නාවික හමුදාපති අද්මිරාල් වසන්ත කරන්නාගොඩ මහතාගෙන් අපරාධ පරික්ෂණ දෙපාර්තමේන්තු නිලධාරීන් ප්‍රශ්න කිරීම අරඹා තිබේ
ඒ අධිකරණ නියෝගයකට අනුව ප්‍රකාශයක් ලබා දීම සඳහා කරන්නාගොඩ මහතා එහි පැමිණීමෙන් අනතුරුවය.
කොළඹ හා තදාසන්න ප්‍රදේශවල තරුණයින් 11 දෙනෙකු 2008 වසරේදී අතුරුදන් කිරීමේ සිද්ධියක් සම්බන්ධයෙන් ඔහුට එල්ලවී ඇති චෝදනා එල්ල සම්බන්ධ පරික්ෂ කටයුතු මෙහෙයවනු ලබන්නේ අපරාධ පරික්ෂණ දෙපාර්තමේන්තුව විසිනි.
පසුගිය 07වනදා ශ්‍රේෂ්ඨාධිකරණය විසින් රහස් පොලීසිය වෙත තහනම් නියෝගයක් නිකුත් කරමින් පැවසුවේ හිටපු නාවික හමුදාපති අද්මිරාල් වසන්ත කරන්නාගොඩ මහතා අත්අඩංගුවට ගැනීමක් හෝ රඳවා ගැනීමක් සිදු නොකරන ලෙසය.
ඒ තමන්ව අත්අඩංගුවට ගැනීම වළක්වාලීමේ නියෝගයක් නිකුත් කරන මෙන් ඉල්ලා කරන්නාගොඩ මහතා විසින් ඉදිරිපත් කළ මූලික අයිතිවාසිකම් පෙත්සමක් සලකා බැලීමෙන් අනතුරුවයි.
