තරුණයින් 11 දෙනෙකු පැහැර ගෙන ගොස් අතුරුදන් කර මරණයට පත් කිරීමේ සිද්ධිය සම්බන්ධ නඩුවට අදාළ ලේඛන යළි අපරාධ පරීක්ෂණ දෙපාර්තමේන්තුවට රැගෙන එන ලෙස කොළඹ විශේෂ ත්‍රිපුද්ගල මහාධිකරණය අද නියෝග කර තිබේ.
එලෙස නියෝග කරන ලද්දේ දේශපාලන පළිගැනීම් පිළිබඳ විමර්ශනය කෙරෙන ජනපති කොමිසම භාරයට එම ලිපිගොනුව මේ වනවිට විමර්ශන සඳහා ලබාගැනීම හේතුවෙනි.
එම නඩුවට අදාළව අපරාධ පරීක්ෂණ දෙපාර්තමේන්තුව භාරයේ පැවැති ලේඛන ජනපති විමර්ශන කොමිෂන් සභාව භාරයට ගෙන ඇති බවයි.
අද දින නඩුව කැඳ වූ අවස්ථාවේදී පොලීසිය අධිකරණය හමුවට දැනුම් දුන්නේ නිවසේ නොමැති බැවින් 14 වන විත්තිකරු අද්මිරාල් ඔෆ් ද ෆීල්ට් වසන්ත කරන්නාගොඩ මහතාට සිතාසි භාරදීමට නොහැකි වූ බවය.
ලබන 20 වැනි දා අධිකරණය හමුවේ පෙනී සිටින්නැයි දන්වා අද 4 වන වරටත් අධිකරණය අද්මිරාල් කරන්නාගොඩ මහතාට සිතාසි නිකුත් කර තිබේ.
