දම්පත් රණසිංහ
අමු කහ මිල මේ වන විට රුලියල් 200 ත් 250 ත් අතර මිලක් දක්වා පහල බැස තිබේ.
රුපියල් 1000 සීමාව ඉක්මවා ගොස් තිබුණු අමු කහ කිලෝවක මිල මේ වන විට පහළ බැස ඇත්තේ කහ අස්වැන්න නෙළීම ආරම්භ වී ඇති බැවිණි.
කහ ආනයනයට විශාල මුදලක් වැයවූ බැවින් ජනාදිපති ගෝඨාභය රාජපක්ෂ මහතා විසින් කහ ඇතුළු කළුබඩු කිහිපයකට ආනයන සීමා පැනවීමට මෙයට වසර එකහාමාරකට පෙර පියවර ගත්තේය.
ඒත් සමඟ කහ මිල ඉහළ ගිය අතර දැඩි කහ හිඟයක්ද රටේ ඇති විය. අමු කහ කිලෝව රුපියල් 1000 ඉක්ම වූ මිලකට අලෙවි විය.
මේ වන විට කහ වගාව රටපුරා ඉතා සාර්ථකව සිදුවන බැවින් කහ හිගය පියවී කහ අපනයනය කිරීමේ තත්ත්වය මෙවර අස්වැන්න ඉහළ ගොස් ඇති බව සඳහන්ය.
අපනයන කෘෂි කර්ම දෙපාර්තමේන්තුව සඳහන් කරනුයේ ගොවීන්ගෙන් කහ මිලදී ගැනීමට කුළු බඩු මණ්ඩලය ඇතුළු ආයතන කිහිපයක් එක්ව මේ වන විට ක්‍රමවත් වැඩ පිළිවෙලක් සකස්කර ඇති බවය.
