මත්කුඩු සන්තකයේ තබාගැනීම හා ජාවාරම් කිරීමේ චෝදනාවට වරදකරු වූ හේරත් මුදියන්සේලාගේ තුෂාර හෙවත් කළු තුෂාර නමැත්තාට කොළඹ මහාධිකරණය විසින් මරණීය දණ්ඩනය නියම කර තිබේ.
ඒ ඊට අදාළ නඩුව අද කැඳවූ අවස්ථාවේ දී කොළඹ මහාධිකරණ විනිසුරු ගිහාන් කුලතුංග මහතා විසිනි.
2017 වසරේ මැයි මස 12 වනදා සිය සේදවත්ත ප්‍රදේශයේ දී යතුරුපැදියකින් හෙරොයින් මත්කුඩු ග්‍රෑම් 59 ප්‍රවාහනය කරමින් සිටියදී මොහු අත්අඩංගුවට ගෙන තිබුණි.
ඒ සංවිධානාත්මක අපරාධ වැළැක්වීමේ කොට්ඨාශයේ නිලධාරීන් විසිනි.
