දකුණු කොරියාව මේ වන විට නව කොරෝනා වෛරසයේ දෙවන රැල්ලකට මුහුණ දෙමින් සිටින බව එරට සෞඛ්‍ය අමාත්‍ය නියුන්ග්- හු ප්‍රකාශ කර සිටි.
එය ඉතා බරපතල තත්ත්වයක් බවද කොරියානු අමාත්‍යවරයා ජාත්‍යන්තර මාධ්‍ය වෙත සඳහන් කර ඇත .
පසුගිය සතිය තුලදී දකුණු කොරියාවට විදේශ රටවල සිට පැමිණි පුද්ගලයින් 90 දෙනෙකුට වෛරසය ආසාදනය වී ඇති බවට තහවුරු වූ බවත් ඊට පෙර සතියේදී වාර්තා වූයේ රෝගීන් 48ක් පමණක් බවයි සෞඛ්‍ය අමාත්‍යවරයා පැවසීය .
දේශියව වාර්තා වන රෝගීන්ට අමතරව විදෙස් රටවලින් පැමිණෙන රෝගීන් කළමනාකරණය කිරිමට සිදුවීම තුලින් රටේ සෞඛ්‍ය අංශ බරපතල තත්ත්වයකට මුහුණ දෙමින් සිටින බව අමාත්‍යවරයා කියා සිටියේය .
ඉකුත් පෙබරවාරි සහ මාර්තු මාසයේදී ඩේගු නගරයෙන් ඇරඹි කොරෝනා වෛරසයේ ව්‍යාප්තියට පසුව මේ වන විට දෙවන රැල්ලක් නිර්මාණය වී තිබෙන බව දකුණු කොරියාවේ රෝග පාලනය හා වැළැක්වීමේ මධ්‍යස්ථානයේ අධ්‍යක්ෂක ජියොන් යුන් – කියොං මහතාද ප්‍රවෘත්ති සාකච්ජාවකට එක්වෙමින් ප්‍රකාශ කර සිටියේය .
