ඇමරිකානු ජනාධිපති ඩොනල්ඩ් ට්‍රම්ප් මේ වනවිට කොවිඩ් 19 වෛරසය ප්‍රවර්ධනය කරමින් සිටින බවට ඇමරිකානු ප්‍රධාන වසංගත රෝග විද්‍යාඥ, වෛද්‍ය ඇන්තනි ෆවුචි මහතා චෝදනා කර සිටී.
පසුගිය මාසයේදී ට්‍රම්ප්ගේ ප්‍රධානත්වයෙන් ධවල මන්දිරයේ පැවති උත්සවයකින් අනතුරුව ඇමරිකාවේ කොවිඩ් ආසාදිතයන් වාර්තා වීම සැළකිය යුතු අන්දමකින් ඉහළ ගොස් ඇති බවත් අදාල උත්සවය සඳහා සහභාගි වූ පුද්ගලයන් රැසක් මේ වනවිට ආසාදිතයන් බවට හඳුනාගෙන ඇති බවත් වෛද්‍ය ඇන්තනි ෆවුචි මහතා මාධ්‍ය වෙත සඳහන් කර ඇත
ශ්‍රේෂ්ඨාධිකරණ විනිසුරුවරියක පත් කිරීම සඳහා මෙම උත්සවය සංවිධානය කර තිබිණි.
ෆවුචි මහතා පෙන්වා දෙන්නේ මෙම උත්සවය පැවැත්වීමේදී සමාජ දුරස්ථභාවය ඇතුළු කොවිඩ් වෛරසයෙන් ආරක්ෂාවීමට අදාල ආරක්ෂිත ක්‍රමවේද කිසිවක් අනුගමනය කර නොමැති බවය
මේ අතර ඩොනල්ඩ් ට්‍රම්ප් ඊයේ සිට නැවතත් ජනාධිපතිවරණ ප්‍රචාරක කටයුතුවලට එක්වීමට පියවර ගෙන තිබිණ.
