කොරෝනා ව්‍යාප්තිය හමුවේ බලපැමට ලක්ව ඇති පෞද්ගලික අංශයේ සේවකයන්ට, ඔවුන්ගේ මූලික වැටුපෙන් භාගයක් හෝ රුපියල් දාහතර දහස් පන්සියක මුදලක් මාසිකව ලබාදීම සඳහා වන යෝජනාවක් රජය ඉදිරිපත් කර ඇත.
මේ සඳහා විශේෂ කැබිනට් පත්‍රිකාවක් ඉදිරිපත් කර ඇති බව කැබිනට් ප්‍රකාශක අමාත්‍ය බන්දුල ගුණවර්ධන මහතා මාධ්‍ය වෙත පැවසීය.
වැටුප් ගෙවීම සම්බන්ධයෙන් එකඟ වූ කාලසීමාව දිර්ඝ කිරීමටද කැබිනට් මණ්ඩල අනුමැතිය හිමිව ඇති බව ඔහු මෙහිදී පැවසීය.
ඒ අනුව ලබන සැප්තැම්බර් මාසය දක්වා එම කාලසීමාව දීර්ඝ කර අදාළ ආකාරයට වැටුප් ගෙවීමට එකඟතාවන් ඇතිකරගෙන ඇති බවද අමාත්‍යවරයා පැවසීය.
