වෛරසය ලිංගිකව සම්ප්‍රේෂණය වීමේ හැකියාවක් පවතින බව චීනයේ ශාන්ග්කියු රෝහලේ වෛද්‍ය පර්යේෂකයින් කණ්ඩායමක් අනාවරණය කර ඇත.
මේ අනුව කොරෝනා වෛරසය ආසාධනයට ලක්වූ පුද්ගලයින්ගේ ශුක්‍රාණු තරල තුල එම වෛරසය පවතින බව එම පර්යේෂකයින් අනාවරණය කරගෙන ඇති බවද වාර්තාවේ.
චීනයේ කොරෝනා වෛරසය උග්‍රව ව්‍යාප්ත වෙමින් පැවති ජනවාරි සහ පෙබරවාරි කාල සීමාව තුලදී තෝරා ගනු ලැබූ පිරිමි පුද්ගලයින් 38 දෙනෙකු ආශ්‍රයෙන් මෙම පර්යේෂකයින් මෙම පර්යේෂණය සිදුකර ඇත.
මෙම පිරිසෙන් 16% කගේ ශුක්‍රාණු තරලයන් හි කොරෝනා වෛරසය ඇති බවට සොයා ගෙන ඇති බව පර්යේෂකයින් සඳහන් කර සිටී .
වෛරසය සම්ප්‍රේෂණය වී ඉන් සුවය ලැබූ පුද්ගලයින් ගේ ශුක්‍රාණු තරල මතද එම වෛරසය පවතින බව මෙහිදී අනාවරණය වී ඇත.
මේ සම්බන්ධයෙන් නිසි පරීක්ෂණ සිදුකෙරෙන තෙක් කොරෝනා වෛරසය ආසාධනය වූ රෝගීන් හා රෝගයෙන් සම්පුර්ණ සුවය ලබමින් සිටින පුද්ගලයින් ලිංගිකව හැසිරීමෙන් වැලකි සිටීම වඩාත්ව සුදුසු බව පර්යේෂණ කණ්ඩායම සඳහන් කර ඇත.
