“ලාමා” නමැති සත්වයින්ගේ සිරුරු තුළ කොවිඩ් ප්‍රතිදේහ ස්වභාවිකවම නිපදවන බව පර්යේණයකින් අනාවරණය වී ඇත
බෙල්ජියමේ ගෙන්ට්හි ජෛව තාක්ෂණ මධ්‍යස්ථානයේ පර්යේෂකයින් සිදුකළ පර්යේෂණයකින් එය තහවුරු වී ඇතැයි විදෙස් මාධ්‍ය වාර්තා කර සිටී .
කොරෝනා වෛරසයේ විවිධ ප්‍රතිදේහ සඳහා සාර්ථකව මුහුණදීමට “ලාමා” සත්වයින් තුළ ස්වාභාවිකව නිපදවෙන ප්‍රතිදේහවලට හැකි බවද එම පර්යේෂණය මඟින් අනාවරණය වී තිබෙ.
ඒ අනුව කොවිඩ් මර්දන වැඩසටහන්වලදී මෙම සොයා ගැනීම ඉදිරි පියවරක් වනු ඇති බව විද්‍යාඥයින් පෙන්වාදී ඇත.
ඒ අනුව මෙම පර්යේෂණයේ දත්ත යොදාගනිමින් කොවිඩ් මර්දන එන්නතක් නිපදවීමටත් ඒ පිළිබඳ සායනික අත්හදා බැලීම් ආරම්භ කිරීමටත් පර්යේෂකයින් පියවර ගෙන ඇති බව විදෙස් මාධ්‍ය වාර්තාවල සඳහන්.
