මෙරට පාසල් වල පවතින ගුරු හිඟය අවම කිරීම සඳහා රටපුරා ගුරුවරුන් ස්ථානගතවී ඇති අකාරය පිලිබඳ විශේෂ සමාලෝචනයක් කිරීමට අධ්‍යාපන අමාත්‍යංශය තීරණය කර ඇත , ගුරු සේවක සංඛ්‍යා කමිටුව හරහා එම සමාලෝචනය ක්‍රියාත්මක කිරීමට නියමිතය.
ගුරුවරුන් පාසල් අතර බෙදී යාමේ ,අඩුපාඩු රැසක් පසුගිය කාලයේ වාර්තා වූ බවත් ඒ හේතුවෙන් ඇතැම් පාසල්වලට ගුරුවරුන් අතිරික්තයක් පවතින විට තවත් පාසලක ගුරු හිඟයක් පවතින බවත් අමාත්‍යංශ ලේකම් එම්. එච්. එම්. චිත්‍රානන්ද මහතා අප වෙබ් අඩවියට පැවසීය.
ගුරුවරුන් විසිරි සිටින ආකාරය අධ්‍යයනය කිරීමෙන් අනතුරුව එක් එක් විෂයන් සඳහා සැබෑ ලෙසම අවශ්‍ය ගුරුවරුන් සංඛ්‍යාව නිශ්චය කළ හැකි බවද ඒ අනුව පළාත් සභා සමග ඒකාබද්ධ වි ගුරු තුලනය සඳහා අවශ්‍ය පියවර ගත හැකි බවද ඒ මහතා පැවසීය .
