කොවිඩ් වසංගතයට එරෙහි ගෝලීය සටන වෙනුවෙන් ඉන්දියාවේ පූර්ණ සහය ලැබෙන බවත් ඒ අනුව ඉදිරියටත් තම රටේ නිෂ්පාදනය කෙරෙන කොවිඩ් එන්නත් ගෝලීය වශයෙන් බෙදාහැරීම සිදුකරන බවත් මෙරට ඉන්දීය මහකොමසාරිස් කාර්යාලය සඳහන් කර සිටී .
මේ වනවිටත් ලොව පුරා රටවල් 85ක් වෙත කොවිඩ් එන්නත් මාත්‍රා මිලියන 65කට ආසන්න ප්‍රමාණයක් ලබාදීමට ඉන්දීයාව පියවර ගෙන ඇති බවද ඉන්දීය මහකොමසාරිස් කාර්යාලයේ ප්‍රකාශකයෙකු මාධ්‍ය වෙත පැවසීය .
එසේම ශ්‍රී ලංකාවටද මේ වනවිටත් එන්නත් මාත්‍රා මිලියන 1.2 ක් ලබාදීමට ඉන්දියාව කටයුතු කර ඇති බවද ඔහු පැවසීය .
ඉන්දියාව, ලොව විශාලතම කොවිඩ් එන්නත් නිෂ්පාදකයා වන අතර , මේ අනුව ගෝලීය අවශ්‍යතාවයටද සරිලන පරිදි එන්නත් නිෂ්පාදනය සඳහා ඉන්දියාව පියවර ගෙන ඇති බවද එතෙම පැහැදිලි කළේය .
කෙසේවෙතත් මෙම එන්නත් සැපයුමට , නිෂ්පාදනය හා දේශීය අවශ්‍යතාවය යන කරුණු බලපාන බවද ඔහු පැවසීය
\
