ජාතික ශාක නිරෝධායන ආයතනය මඟින් අහිතකර බැක්ටීරියා අඩංගු යැයි ප්රතික්ෂේප කරන ලද චීනයෙන් ගෙන්වූ කාබනික පොහොර තොගයේ එබදු අහිතකර බැක්ටීරියා කිසාවක් නැති බව, තුන්වන පාර්ශ්වයක් විසින් තහවුරු කර ඇත.
Schutter Global Inspection and Survey Company නම් ආයතනය මෙම සහතිකය ලබා දී ඇති බවට වාර්තාවේ .
එම වාර්තාවට අනුව ඔවුන් පරීක්ෂා කරන ලද සාම්පලයේ සල්මනෙල්ලා, කෝලිෆෝම් හෝ වෙනත් අහිතකර බැක්ටීරියා කිසිවක් අඩංගු නැති බව තහවුරු කර ඇත.
ISO 4832-2006 තත්ත්ව සහතික ප්‍රමිතිය අනුව මෙම පරීක්ෂණ සිදු කර ඇති බවද දක්වා තිබේ.
කෙසේවෙතත් මෙරට ජාතික ශාක නිරෝධායන ආයතන විසින් මෙම පොහොර තොගය භාවිතයට නුසුදුසු බව ප්‍රකාශ කර තිබෙන අතර එම ප්රතික්ෂේප කිරීම චීනය දිගින් දිගටම බැහැර කරමින් සිටියේය.
කෙසේවෙතත් පොහොර සාම්පල තෙවන පාර්ශ්වයකට ලබා දී පරීක්ෂා නොකරන බවත්, නැව ආපසු හරවා යවන බවත් කෘෂිකර්ම අමාත්‍යවරයා පවසා තිබුණු අතර ඊයේ දිනය වන විටත් ආණ්ඩු පාර්ශවයෙන් අවධාරණය කළේ එම පොහොර තිගය මෙරටට ඇතුල් කර නොගන්නා බවයි.
