ඉදිරියේදී පැවැත්වීමට නියමිත ජනාධිපතිවරණය හා මැතිවරණයන් ඉලක්ක කර ව්‍යාජ ෆේස්බුක් සහ ට්විටර් ගිණුම් දහස් ගණනක් මේ දිනවල නිර්මාණය වෙමින් ඇතැයි ශ්‍රී ලංකා තොරතුරු තාක්ෂණ සංගමය පවසයි.
ඒ අනුව එම ගිණුම් හරහා විවිධ පුද්ගලයින්ට අපහාස වන ආකාරයේ සටහන් හා වෛරී ප්‍රකාශ සමාජ මාධ්‍ය වෙත නිකුත් වීමේ ප්‍රවණතාව ද ඉහළ ගොස් ඇති බව සංගමය අවධාරණය කර සිටී.
විශේෂයෙන් දේශපාලන පක්ෂ හා දේශපාලඥයින් විසින් විවිධ පිරිස් යොදවා සංවිධානාත්මක ලෙස මෙම ක්‍රියාවලිය දියත් කර ඇති බවද ශ්‍රී ලංකා තොරතුරු තාක්ෂණ සංගමය සඳහන් කර සිටී .
මේ අනුව ඉදිරි ජනාධිපතිවරණ කාල සීමාවේදී ෆේස්බුක් ඇතුළු සමාජ මාධ්‍ය ක්‍රියාකාරිත්වය නිරීක්ෂණය කිරීමටද එම සංගමය මේ වනවිට කටයුතු යොදා ඇත.
මැතිවරණ කොමිසම කල ඉල්ලීමකට අනුව තම සංගමය මෙම නිරීක්ෂණ කටයුතු සිදුකරන බවද සංගමයේ සභාපති යසිරු කුරුවිටගේ මහතා පැවසීය
