පාර්ලිමේන්තු මැතිවරණය පැවැත්වෙන සතිය තුළ සියලුම රජයේ පාසල්වලට නිවාඩු දීමට රජය තීරණය කරයි.
ඒ අනුව අගෝස්තු මස 4, 5,6 සහ 7 වන සිකුරාදා යන දිනවල පාසල් වසා තැබේ.
අධ්‍යාපන අමාත්‍යාංශයේ අද පැවති මාධ්‍ය හමුවකට එක්වෙමින් අධ්‍යාපන අමාත්‍ය ඩලස් අලහප්පෙරුම මහතා මේ බව කීය.
දිවයිනේ සියලු පාසල්වල 11, 12, 13 ශ්‍රේණිවල අධ්‍යන කටයුතු පසුගිය ජූලි මස 27 වන දින යළි ආරම්භ විය. එම ශ්‍රේණිවල සිසුන්ට පමණක් මෙම නිවාඩුව අදාළ වේ.
අගෝස්තු 10 වන දා අනෙකුත් ශ්‍රේණි සඳහා ද පාසල් විවෘත කෙරෙනු ඇත.
එළඹෙන මහමැතිවරණයේ ඡන්ද මධ්‍යස්ථාන සහ ඡන්ද ගණන් කිරීම කටයුතු සඳහා පාසල් යොදාගැනීම නිසා සහ ගුරුවරුන්ගෙන් 60% පමණ දෙනා ඡන්ද රාජකාරි කටයුතුවල නිරත වේ.
එබැවින් අගෝස්තු මස 3වන දා සිට 8 වන දා දක්වා පාසල් වසා තැබෙන බව අමාත්‍ය ඩලස් අලහප්පෙරැම මහතා පැවසීය.
