රට තුල පවතින දූෂණ සහ අක්‍රමිකතා නවතා කාර්යක්ෂම රාජ්‍ය සේවාවක් ස්ථාපනය කරන බව ජනාධිපති ගෝඨාභය රාජපක්ෂ මහතා අවධාරණය කර සිටියා ඒ අද (29) පොදුජන පෙරමුණෙන් මෙවර මහ මැතිවරණයට තරගවදින අපේක්ෂකයන්ගේ ජය තහවුරු කරනු පිණිස අද (29) කළුතර දිස්ත්‍රික්කයේ චාරිකාවක නිරතවෙමින්.
වැඩිදුරටත් අදහස් දැක්වූ ජනාධිපති ගෝඨාභය රාජපක්ෂ මහතා
මෙරට ලක්ෂ 15කට අධික පිරිසක් රාජ්‍ය සේවයේ සිටිති. එහෙත් සේවා ඉටුකර ගැනීමේදී ජනතාවට මුහුණපෑමට සිදුව ඇති දුෂ්කරතා පිළිබදව දෛනිකව තොරතුරු වාර්තා වන බවත්.
අල්ලස්, දුෂණ සහ අක්‍රමිකතා නවතා ජනතාව වෙනුවෙන් කැපවූ රාජ්‍ය සේවයක් රට තුල ඇති කරන බව ජනාධිපතිවරයා කියා සිටීයා.
ආනයනික වෙළෙඳ ක්‍රමය වෙනුවට මෙරට නිෂ්පාදනයට ප්‍රමුඛත්වය දුන් ආර්ථික ක්‍රියාවලියකට රජය මුල පුරා ඇත. කෘෂිකාර්මික සහ නිෂ්පාදන ක්ෂේත්‍රයට අවතීර්ණව ඉන් උපරිම ප්‍රයෝජන ගන්නා ලෙස රැස්ව සිටී ජනතාව සමග ජනාධිපතිවරයා පැවසීය.
නවීන තාක්ෂණය මුසුකර ගොවි ආර්ථිකය ශක්තිමත් කළයුතුව ඇත. ඒ සඳහා කෘෂි භෝග ආනයනය නවතා අස්වැන්නට ඉහළ මිලක් දීමට රජය පියවර ගෙන තිබේ. උපාධිලාභීන් සහ අඩු ආදායම්ලාභීන් වෙනුවෙන් රැකියා එක්ලක්ෂ පනස්දහසක් දීම මැතිවරණයෙන් පසුව සිදු කෙරේ. මේ සියලු අවස්ථා රටේ ආර්ථික සංවර්ධනයට ඉවහල්වනු ඇතැයි ජනාධිපතිවරයා ජනතාව සමග කීය. කළුතර දිස්ත්‍රික්කයේ බොහෝ ප්‍රදේශවල පවතින පානීය ජල ප්‍රශ්නයට විසඳුම් දෙන බව ජනාධිපතිවරයා පැවසීය.
