රුසියාවේ යුක්රේන ආක්‍රමණය හෙළා දැකීමට එක්සත් ජාතීන්ගේ මහා මණ්ඩලයේ දී අද ප්‍රකාශයට පත්වූ වැඩි ඡන්දය රුසියාවට එරෙහිව ලෝකය විසින් නැගෙන ගෝලීය හෙලාදැකීමක් බවට පත්ව තිබේ.
මෙම යෝජනාවට පක්ෂව රටවල් 141ක් ඡන්දය දුන් අතර රටවල් 5ක් ඊට විරුද්ධව ඡන්දය ප්‍රකාශ කර තිබුණි. ශ්‍රී ලංකාව ඇතුළු රටවල් 35ක් ඡන්දය දීමෙන් වැළකී සිටියහ.
යෝජනාව වූයේ ‘රුසියානු සමූහාණ්ඩුව වහාම, සම්පූර්ණයෙන්ම සහ කොන්දේසි විරහිතව සිය ජාත්‍යන්තරව පිළිගත් දේශසීමා තුළ යුක්රේන භූමියෙන් සිය සියලු හමුදා ඉවත් කර ගන්නා ලෙස ඉල්ලා සිටී.’ යන්නය.
ඡන්ද ප්‍රතිඵල කුටියේ තිරය මත ප්‍රදර්ශනය කළ විට ජගත් මහාමණ්ඩල සැසියක බොහෝවිට නෑසෙන ආකාරයේ දුර්ලභ ඝෝෂාවක් ඇති විය.
මෙම ඡන්ද ප්‍රතිඵලය නීත්‍යානුකූලව බැඳී නැති එකක් වන නමුත් ගෝලීය වශයෙන් යම් දේශපාලන බරක් දරයි.
එහෙත් එය මොස්කව්හි මිලිටරි ආක්‍රමණය වෙනස් කරයිද යන්න සැක සහිත බව ද විදෙස් වාර්තා පෙන්වා දෙයි.
ඡන්ද විමසීමෙන් ටික වේලාවකට පසු, එක්සත් ජාතීන්ගේ මහලේකම් ඇන්ටෝනියෝ ගුටේරස් පැවසුවේ ‘මහා සමුළුවේ පණිවිඩය තීව්‍රයි සහ පැහැදිලි ය: යුක්රේනයේ සතුරුකම් දැන් අවසන් කරන්න. දැන් තුවක්කු නිහඬ කරන්න. සංවාදයට සහ රාජ්‍ය තාන්ත්‍රිකත්වයට දැන් දොර අරින්න. යුක්රේනයේ භෞමික අඛණ්ඩතාව සහ ස්වෛරීභාවය එක්සත් ජාතීන්ගේ ප්‍රඥප්තියට අනුකූලව ගරු කළ යුතුය,’ යනුවෙනි.
‘අපිට නැතිකරගන්න වෙලාවක් නැහැ. ගැටුමේ කුරිරු බලපෑම් පැහැදිලිව පෙනේ. නමුත් මේ වන විට යුක්රේනයේ මිනිසුන්ට තත්වය නරක වන තරමට, එය වඩාත් නරක අතට හැරීමට තවදුරටත් තර්ජනය කරයි. ටික් ටික් ගාන ඔරලෝසුව කාල බෝම්බයක්’ ඔහු වැඩිදුරටත් පැවසීය.
