ජනාධිපතිවරණයට තරඟ කරන සියලුම අපේක්ෂකයින් හට හෙට (15) සිට ජාතික රුපවාහිනීය හා ගුවන් විදුලිය හරහා තම අදහස් දැක්වීමට කාලය ලබාදීමට එම ආයතන කටයුතු යොදා ඇත.
ඒ අනුව ජනාධිපතිවරණ පනත මඟින් දක්වා ඇති අන්දමට මේ සඳහා එක අපේක්ෂකයෙකුට විනාඩි 15ක් බැඟින් අවස්ථා 03කදී සිය අදහස් ජාතික රූපවාහිනියෙන් හා ගුවන්විදුලි සංස්ථාව මඟින් ප්‍රචාරණය කරවා ගත හැකියි.
එහෙත්, මෙහි දී වෙනත් අපේක්ෂකයෙකු ප්‍රවර්ධනය වන අයුරින් කතා කිරීම, වෛරී සහගත ප්‍රකාශ කිරීම, තම කතාව වෙනත් කෙනකු ලවා කරවීම සම්පුර්ණයෙන්ම තහනම් බව මැතිවරණ කොමිෂන් සභාව දැනුම් දී ඇත
සෑම අපේක්ෂකයෙකුම ඔවුන්ගේ කතා විකාශය වීමට නියමිත වේලාවට වඩා පැය 03කට කලින් පටිගත කළ යුතු වන අතර පිටතින් පටිගත කරගෙන එන කතා පැය 24කට පෙර අදාළ සංස්ථා වලට භාර දිය යුතු යැයි මැතිවරණ කොමිෂන් සභාව සඳහන් කර සිටි.
