ශ්‍රී ලංකාව හා ජපානය අතර පවතින සබඳතා , උතුම් අභිලාෂයන් පෙරදැරි කරගනිමින් තවදුරටත් වර්ධනය කල යුතුව ඇති බව මෙරට ජපාන තානාපති අකිරා සුගියාමා මහතා අවධාරණය කර සිටී.
ඒ අනුව දෙරට අතර පවතින මිත්‍රත්වය හා සමගිය වර්ධනය කිරීමට ගත හැකි සැම පියවරක්ම ගන්න බවද ජපාන නිදහස් දින සැමරුම නිමිති කරගනිමින් පසුගියදා මෙරට ජපාන තානාපති නිලනිවසේ පැවති විශේෂ උත්සවයේදී සුගියාමා මහතා පැවසීය .
පසුගිය වසරේදී ජපානයේ නව අධිරාජයා ලෙස කිරුළු පළඳී , නරුහිතෝ අධිරාජයා , තම පාලන යුගය ” සොඳුරු සමගියේ යුගය ” ලෙස නම් කර ඇති බවත් ඒ අනුව ජපානය ශ්‍රී ලංකාව සමගද එම සොඳුරු වූ සමගි සන්ධානය ගොඩනංවන බවත් සුගියාමා මහතා මෙහිදී පැවසීය .
ජපන් නිදහස් දින සැමරුම , ජපානයේ නරුහිතෝ අධිරාජයාගේ උපන්දිනය නිමිති කරගනිමින් , පැවැත්වේ.
ජපාන නිලනිවසේ පවතී මෙම උත්සවයේ ප්‍රධාන ආරාධිතයා ලෙස අමාත්‍ය බන්දුල ගුණවර්ධන මහතා සහභාගී වූ අතර , කතානායක කරු ජයසූරිය මහතා ඇතුළු මැති ඇමතිවරුන් පිරිසක් මෙන්ම විදෙස් තානාපතිවරුන් ප්‍රමුඛ සම්භාවනීය ආරාධිතයින් පිරිසක් මෙම අවස්ථාවට එක්ව සිටියහ
