ජුනි මාසයේ සිට ඉතාලියට යන්න එන්න පාර ඇරේ

ඉතාලිය ලබන ජුනි 3 වැනිදා සිට යළිත් සංචාරකයන් වෙනුවෙන් විවෘත වේ.

ඒ අනුව එදින සිට ඉතාලියේ සිට පිටතට සංචාරය කිරීමටත් විදේශිකයන්ට රට තුළට පැමිණීමටත් විවෘත වනු ඇත.

ඉතාලිය රජය ඊයේ මේ බව නිවේදනය කර තිබුණේ රටේ සංචාරක කර්මාන්තය යථාතත්වයට පත්කිරීමේ පළමු පියවර ලෙසයි.

මෙම පියවර යුරෝපයේ කලින්ම ඉවත් කරන ලද වඩා සීමා සහිත සංචාරක තහනමක් ඉවත් කිරීම වනු ඇත. එනමුත් එය සංචාරකයින්ට රට තුළ ගිම්හාන නිවාඩු ගත කිරීමට මග සැලසීමේ අරමුණින් කරන බව ඉතාලිය පවසයි.

මෙය යුරෝපා සංචාරකයින්ට පමණක් අදාළ වේද යන්න එරට රජයේ නිවේදනයේ සඳහන් කර නැත. නමුත් යුරෝපා සංගමය නිර්දේශ කරන්නේ බාහිර දේශසීමා අවම වශයෙන් ජුනි 15 වනදා දක්වා විදේශිකයන්ට වසා තිබිය යුතු බවයි.

ඉතාලියානුවන්ට රට තුළ සංචාරය කිරීමට ද මෙම නියෝගයෙන් අවසර දී ඇත. මාර්තු මාසයේ සිට ඉතාලිය රට වසා තැබීමේ පියවරයන් ලිහිල් කරමින් නිවැසියන්ට තම කලාපයෙන් පිටත ගමන් කිරීම වලක්වා තිබුණි.

එක්සත් ජනපද රාජ්‍ය දෙපාර්තමේන්තුව තවමත් පුරවැසියන්ට උපදෙස් දෙන්නේ සියලුම ජාත්‍යන්තර සංචාරවලින් වළකින ලෙසයි.

වොෂිංටන් ඩී.සී. හි ඉතාලි තානාපති කාර්යාලය ජුනි 3 වනදා යුරෝපා සංගමයෙන් පිටත සිටින ඇමරිකානුවන්ට හෝ සංචාරකයින්ට ඉතාලියට යාමට අවසර දෙන්නේ දැයි ෆෝබ්ස් ඇසූ ප්‍රශ්නවලට ප්‍රතිචාර දක්වා තිබුණේ නැත.

ඉතාලිය පුරා කොවිඩ්-19 හෙවත් නව කොරෝනා ආසාදිතයින් දැනට 224,760ක් වාර්තා වී ඇති අතර වෛරසය ආසාදිත වූ  31,763 දෙනෙක් මියගොස් ඇත.