කොවිඩ් , ඩෙල්ටා ප්‍රභේදය ආසාදිතවූවන් 117 දෙනෙකු මේ වනවිට මෙරටින් හඳුනාගෙන ඇති බව ශ්‍රී ජයවර්ධනපුර විශ්වවිද්‍යාලයේ ආසාත්මිකතා ප්‍රතිශක්ති විද්‍යා හා සෛල ජීව විද්‍යායතනයේ ආචාර්ය චන්දිම ජීවන්දර මහතා අනාවරණය කර සිටී
ඩෙල්ටා ප්‍රභේදය මෙරටට ඇතුල් වී ඇති බවට හඳුනා ගැනීමෙන් පසු මේ දක්වා කාලය තුළ කොළඹ නගර සීමාවෙන් හමුවුණ ආසදිතයින්ගෙන් 75%ක් පමණ ඩෙල්ටා ප්‍රභේදය ආසාදනය වී තිබෙන බවද ඔහු සිය ටිව්ටර් ගිණුමේ දක්වා ඇත .
ජූලි මාසයේ පළමු සතිය තුළ ඩෙල්ටා ප්‍රභේදය ආසාදනය වීම් 19.3%ක් ලෙස තිබුණ අතර එම ව්‍යාප්තිය මේ වන විට 75% ඉක්මවා යමින් තිබේ.
කොවිඩ් ආසාදිතයින් 94 දෙනෙකු ගේ ජෛව සාම්පල් පරීක්ෂණ අනුව සිදුකර ඇති නවතම ජානමය අනුක්‍රමණ පරීක්ෂණ අතුරින්ද හඳුනා ගෙන ඇති ඩෙල්ටා ප්‍රභේදය ආසාදිතයින් සංඛ්‍යාව 56ක් වන අතර ඉන් බහුතරයක් බස්නාහිර පළාත තුලින් වාර්තා වී ඇත.
ඒ, කොළඹ, අංගොඩ, කඩුවෙල, නුගේගොඩ, ගල්කිස්ස, බොරලැස්ගමුව, මහරගම, පිලියන්දල, කහතුඩුව, කැස්බෑව, බණ්ඩාරගම, පානදුර, කළුතර, බියගම, කඩවත සහ රාගම යන ප්‍රදේශ වලින් මෙලෙස ඩෙල්ටා ප්‍රභේදය ආසාදිත වූ පුද්ගලයින් හමුවී තිබෙන බව nextstrain.org වෙබ් අඩවියේ දක්වා ඇත
මීට අමතරව ගාල්ල, මාතර, රත්නපුර, කුරුණෑගල, අම්පාර, වව්නියාව සහ යාපනය යන දිස්ත්‍රික්ක වලින් ද ඩෙල්ටා ප්‍රභේදය ආසාදනය වූ පුද්ගලයින් හඳුනා ගෙන ඇති බව nextstrain.org වෙබ් අඩවිය සඳහන් කර සිටි
