පැතුම් වික්‍රමරත්න
ශ්‍රී ලංකාව ණය උගුලක සිර කිරීමට චීනයට අවශ්‍ය නැති බවත් සැමවිටම ශ්‍රී ලංකාවට ණය උගුලෙන්” මිදීමට චීනය, උපකාර කරන බවත් මෙරට චීන තානාපති චෙන්ග් ෂියුවෑන් මහතා ප්‍රකාශ කර සිටී.
ශ්‍රී ලංකාවේ ජනමාධ්‍යවේදීන් සහ විද්වතුන් පිරිසක් කොළඹ දී පැවති විශේෂ සාකච්ජාවකදී දී තානාපතිවරයා මේ බව සඳහන් කළේය.
අවස්ථා ගණනාවකදී බටහිර රටවලින් ඉහළ පොළී අනුපාතවලට ගත් ණය ආපසු ගෙවීම සඳහා ශ්‍රී ලංකා රජය අඩු පොළී අනුපාත යටතේ චීනයෙන් ණය ගත් බවත් “ණය උගුලෙන්” මිදීමට එය උපකාරී වූ බවත් චීන තානාපතිවරයා මෙහිදී පැවසීය.
චීනය, ශ්‍රී ලංකාවේ විශාලතම විදෙස් ආයෝජකයා බවත් චීනය, ශ්‍රී ලංකාව තුළ ඉදිකිරීම් කටයුතු රැසක් සිදුකර ඇති බවත් චීන තානාපතිවරයා මෙම සංවාදයේදී සඳහන් කළේය.
අප්‍රේල් 21 වැනිදා එල්ල වූ ‘පාස්කු ඉරිදා ත්‍රස්ත ප්‍රහාරවලින්’ පසුවත් ශ්‍රී ලංකාව නැවත ගොඩනැගීම සඳහා චීනය ආධාර මෙන්ම ආරක්ෂාව ද සැපයූ බවත් හෙතෙම වැඩිදුරටත් පැවසීය.
