රාජ්‍ය බුද්ධි අංශයේ පොලිස් පරීක්ෂකවරයාගේ අතුරුදන් වීම සිදුවී ඇත්තේ ඔහු අධික ලෙස ණයබරින් මිරිකී සිටින මොහොතක බව මූලික පරීක්ෂණවලදී හෙළිවී තිබේ.
අපරාධ පරීක්ෂණ දෙපාර්තමේන්තුවේ සේවය කරන කාන්තා පොලිස් පරීක්ෂකවරියක විසින් තම සැමියා අතුරුදන්ව ඇතැයි අද පැමිණිල්ලක් කළ බව නාරාහේන්පිට පොලිසිය කියයි.
මෙලෙස අතුරුදන්ව ඇත්තේ 43 හැවිරිදි පොලිස් පරීක්ෂකවරයෙකි. මොහු සිය පවුල සමගින් නාරාහේන්පිට ඇන්ඩර්සන් නිල නිවාස සංකීරණයේ පදිංචි වුවද ඔවුන් කඩවත ස්ථිර පදිංචිකරුවන් ය.
ඉකුත් 04 වැනිදා තමන් සමඟ සැමියා රාජකාරි සඳහා කාර්‍යාලයට ගිය බව පැමිණිලිකාරිය පැමිණිල්ලේ සඳහන් කර ඇත.
