තවත් මාසයක කාලයක් සඳහා මහජන සාමය පවත්වාගෙන යාම වෙනුවෙන් ත්‍රිවිධ හමුදාවට බලය පැවරීම දීර්ඝ කර ඇත.
ඒ බව නිවේදනය කෙරෙන අති විශේෂ ගැසට් නිවේදනය ජනාධිපති ගෝඨාභය රාජපක්ෂ මහතාගේ අත්සනින් යුතුව ප්‍රකාශයට පත් කර ඇත.
හදිසි නීතිය ඉවත් කිරිමෙන් පසු හිටපු ජනාධිපතිවරයා විසින් මෙම අති විශේෂ ගැසට් නිවේදනය නිකුත් කළේය.
පසුව මාසිකව මහජන ආරක්ෂක ආඥා පනත යටතේ ජනාධිපතිවරයා විසින් මෙම ගැසට් නිවේදනය නිකුත් කරනු ලබයි.
ඒ අනුව කොළඹ, ගම්පහ, කළුතර, නුවරඑළිය, ගාල්ල, මාතර, හම්බන්තොට, යාපනය, මන්නාරම, මුලතිව්,මඩකලපුව, අම්පාර, ත්‍රිකුණාමලය හා පුත්තලම යන පරිපාලන දිස්ත්‍රික්ක සහ ඒ යාබද දේශීය වෙරළ තීර ඇතුළු ප්‍රදේශවල ආරක්ෂාව සඳහා සන්නද්ධ හමුදාසාමාජිකයින් යෙදවේ.
