ඉන්දියාවේ සිට මීට දින කිහිපයකට පෙර ඉන්ධන රැගෙන මෙරටට ආ නෞකාවක සිටි කාර්ය මණ්ඩලයේ 17 දෙනෙකු කොවිඩ් ආසාදිතයින් බවට තහවුරු වෙයි.
ඔවුන් ඉන්දිය ජාතිකයන් ය.
නෞකාවේ කාර්ය මණ්ඩල සාමාජිකයෙකු හදිසියේ රෝගී විය.
එම නිසා මෙරට සෞඛ්‍ය කණ්ඩායමක් නැවට ගොස් එහි සම්පූර්ණ කාර්ය මණ්ඩලය පී.සී.ආර්. පරීක්ෂණවලට ලක්කර ඇත.
එහිදී මෙම ආසාදිතයින් හඳුනාගෙන තිබේ.
පළමුව කොළඹ වරායටත් පසුව ත්‍රිකුණාමල වරායටත් මෙම නැව යාත්‍රා කර තිබුණි.
නෞකාව ඊයේ (26) රාත්‍රියේම යළි මෙරටින් පිටත්ව ගොස් තිබේ.
කෙසේ වෙතත්, එම නෞකාවේ කාර්ය මණ්ඩලයේ කිසිවෙකු මෙරට වරායකට ඇතුළු වී නොමැත.
අවශ්‍ය සියලු ආරක්ෂක පියවර ගෙන ඇති බවත් යුද හමුදාපතිවරයා අද (27) මාධ්‍ය වෙත කීය.
