ප්‍රිමා තිරිඟු පිටි පෙර පැවති මිල ගණන් යටතේම ඉදිරියටත් ලබා දීමට පිටි සංගම් එකඟත්වය පළ කර ඇත.
අද(10) ජීවන වියදම් කමිටුවේ දී කෘෂිකර්ම, ග්‍රාමීය ආර්ථික කටයුතු, වාරිමාර්ග සහ ධීවර හා ජලජ සම්පත් සංවර්ධන අමාත්‍ය පී. හැරිසන් මහතා සමග කල සාකච්ජආකින් පසුව මෙම එකඟතාව ඇතිවී ඇත.
පසුගිය සැප්තැම්බර් මස 6 වන දින තිරිඟු පිටි කිලෝග්‍රෑම් එකක් රුපියල් 5 යි ශත 50 කින් ඉහළ දමන බව ප්‍රීමා සමාගමේ පාලනාධිකාරිය සියලූම අලෙවි නියෝජිතයින්ට දැනුම් දී තිබුණි.
කෙසේ වෙතත් අද දිනයේ දී ජීවන වියදම් කමිටුව හමුවේ සියලුම පිටි සමාගම් සාමාජිකයින් සහභාගී වු බවත් පිටි මිල ඉහළ දැමීම සම්බන්ධයෙන් කරුණු දැක්වීමට අදාළ සමාගම් සඳහා සති 3 ක කාලයක් ලබා දුන් බවත් අමාත්යංශය පවසයි
ඒ අනුව වහාම ක්‍රියාත්මක වන පරිදි පෙර පැවති මිල ගණන්වලට පිටි මිල සංශෝධනය වනු ඇත.
