ශ්‍රී ලංකාව තුළ තවමත් දෛනිකව සිදුකෙරෙන කොරෝනා පරීක්ෂාවන් සංඛ්‍යාව ප්‍රමාණවත් නොමැති බව රජයේ වෛද්‍ය නිලධාරීන්ගේ සංගමය අවධාරණය කර සිටී.
මේ වනවිට දෛනිකව පුද්ගලයින් 750 – 1000 අතර ප්‍රමාණයක් කොරෝනා පරීක්ෂණයට භාජනය කිරීමට පහසුකම් රට තුළ තිබුණ ද තවමත් දිනකට පරීක්ෂා කෙරෙන්නේ පුද්ගලයින් 250ක් හෝ ඊටත් අඩු ප්‍රමාණයක් පමණක් බවත් රජයේ වෛද්‍ය නිලධාරීන්ගේ සංගමය සඳහන් කර සිටී.
ලෝක සෞඛ්‍ය සංවිධානය පවා පරීක්ෂණ හැකිතාක් වැඩි කිරීම පිළිබඳව අවවාද හා නිර්දේශ නිකුත් කර ඇති නමුත් මෙසේ එම පර්යේෂණ ප්‍රමාණවත් පරිදි සිදුකිරීමට සෞඛ්‍ය අංශ අපොහොසත්වීම ගැටළුවක් බවද එම සංගමය මාධ්‍ය වෙත සඳහන් කර ඇත.
