ඊයේ (22) දිනය තුළ මෙරටින් හඳුනාගත් මුළු කොවිඩ් රෝගීන් සංඛ්‍යාව 1721ක් බව රජයේ ප්‍රවෘත්ති දෙපාර්තමේන්තුව පවසයි.
මෙරට දෛනික කොවිඩ් රෝගීන් සංඛ්‍යාව මෙසේ නැවතත් 1700 මට්ටම ඉක්මවා ගියේ පසුගිය ජුලි 02 වනදාට පසු පළමු වරටය. ගතවූ සති තුනක පමණ කාලය තුළ එය පැවතියේ 1500 – 1400 වැනි තත්වයකය.
මෙය තවත් කොවිඩ් රැල්ලක ආරම්භයක් විය හැකි බවට වෛද්‍ය සංගම් කිහිපයක් අනතුරු අඟවා ඇතිඅතර මේ අවස්ථාවේ සංචරණ සීමා තවදුරටත් ලිහිල් නොකිරීමට රජය පියවර ගත යුතු බවද එම සංගම් අවධාරණය කර ඇත .
එසේම ජනතාවද තවදුරටත් සෞඛ්‍ය මාර්ගෝපදේශයන්ට අනුගත වෙමින් කටයුතු කල යුතු බවද ශ්‍රී ලංකා වෛද්‍ය සංගමය අවධාරණය කර ඇත
මේ අතර තවත් කොවිඩ් මරණ 42ක් රජයේ ප්‍රවෘත්ති දෙපාර්තමේන්තුව විසින් ඊයේ නිවේදනය කර තිබිණි. ඒත් සමග මෙරටින් මෙතෙක් තහවුරු කරන ලද සමස්ත කොවිඩ් මරණ සංඛ්‍යාව 3959ක් දක්වා ඉහළ ගොස් තිබේ.
