නාවික හමුදාවේ නැගෙනහිර නැව්බද ඉංජිනේරු දෙපාර්තමේන්තුව කොවිඩ්-19 වසංගතයෙන් ආරක්ෂාවීමේ විශේෂ විෂබීජහරණ කුටියක් පැය 24ක් කාලයක් තුළ සාදා නිම කර ඇත.
දේශීයව නිර්මාණය කර තිබෙන මෙම කුටියට අවශ්‍ය සියලුම විෂබීජහරණ ද්‍රව්‍ය සහ තාක්ෂණය නාවික හමුදාවේ නැගෙනහිර නැව්බද ඉංජිනේරු දෙපාර්තමේන්තුව විසින් සකස් කර තිබේ. ඊ‌ට නාවික හමුදා වෛද්‍ය අංශයේ සහයද ලැබී තිබේ.
නැව්බද ඉංජිනේරු දෙපාර්තමේන්තුවේ (නැගෙනහිර) කළමනාකරු කොමාන්ඩර් පී.ජී ජානක, ලුතිතන් කොමාන්ඩර් එච්.ඒ.ඩබ්ලිව් හපුආරච්චි,ලුතිතන් කේ.එස්.එන් ජයනාත්, උප ලුතිතන් එම් ඩබ්ලිව් විවන්ත, උප ලුතිතන් එස්.එල්.කේ.පී.ජේ පතිරණ ඇතුළු දෙපාර්තමේන්තුවේ සෙසු නිල එක්ව මෙම නිර්මාණ කර ඇත.
අදාල නිර්මාණය ඊයේ උදෑසන පටන් නාවික හමුදා නැගෙනහිර විධාන මුලස්ථානයට ඇතුළුවන ස්ථානයේ තබා සාර්ථකව අත්හදා බලා තිබේ. අවශ්‍යතාව අනුව ඉදිරියේදීත් මෙවැනි කුටි නිෂ්පාදනයට නාවික හමුදාව සුදානමින් සිටින බව වාර්තා වේ.
