ඇමෙරිකාවේ නිව්යෝක් නගර වැසියන්ගෙන් සියයට 21 කටම, ඔවුන්ද නොදැනුවත්වම කොරෝනා වෛරසය අසාධනය වී , ඇති බව නිව්යෝක් ප්‍රාන්තය පුරා සිදුකරන ලද පර්යේෂණයකින් අනාවරණය වී ඇත.
මෙහිදී එම ප්‍රාන්තයේ විවිධ නගරවල පොදු ජනතාව අතරින් අහඹු ලෙස කණ්ඩායම් තෝරාගනිමින් ඔවුන් තුල කොරෝනා වෛරස ප්‍රතිදේහ ඇතිදැයි පරීකෂා කර ඇත.
මෙහිදී නිව්යෝර්ක් නගර වැසියන්ගෙන් සියයට 21.2 තුල මෙම සමස්තයක් ලෙස එම ප්‍රාන්තය තුල සියයට 13.9 කගේම ශරීර තුල කොරෝනා ප්‍රතිදේහ හමුවී ඇත.
ඒ අනුව නිව්යෝක් ප්‍රාන්තයේ සැලකිය යුතු පිරිසකට ඔවුන් නොදැනුවත්වම කොරෝනා රෝගය වලදී , නොදැනුවත්වම සුවවී ගොස් ඇති බව නිගමනය කල හැකි බවද මෙම පර්යේෂකයෝ සඳහන් කර සිටී .
මෙම පරීක්ෂණය පිළිබඳව මාධ්‍ය වෙත අදහස් දක්වමින් නිව්යෝක් ආණ්ඩුකාර ඇන්ඩ්රු කොමෝ මහතා මෙසේ සඳහන් කර ඇත .
“මෙසේ පරීක්ෂාවට ලක් වූයේ මේ අවස්ථාවේදී රැකියාව සඳහා නොයන, එනම් අත්‍යවශ්‍ය සේවයක නොනියැලෙන, කිසියම් අවශ්‍යතාවයක් සඳහා, බොහෝ විට භාණ්ඩ මිල දී ගැනීම සඳහා, නිවසින් පිටතට ගිය අයයි. වයස 18 ට අඩු අය පරීක්ෂාවට ලක් කර නැහැ.
මෙම පරීක්ෂණ ප්‍රතිඵල අනුව නිව්යෝර්ක් ප්‍රාන්තයේ 13.9% කට වෛරසය ආසාදනය වී ඇති සේ සැලකුවහොත් එම ප්‍රමාණය මිලියන 2.7 ක් විය යුතුයි. එහෙත්, දැනට හඳුනාගෙන තිබෙන ආසාදිතයින් ප්‍රමාණය එම ගණනින් 10% ක් පමණයි. මෙයින් අදහස් වන්නේ හඳුනාගත් එක් ආසාදිතයෙකුට හඳුනා නොගත් ආසාදිතයින් දහ දෙනෙකු සිටින බව විය හැකියි. මේ පදනම මත සැබෑ කෝවිඩ්-19 මරණ අනුපාතය 0.5% ක් පමණක් විය හැකියි. “
