නෙළුව හප්පිටිය ගමේ කජු වත්තක දමා තිබු මද්දකට අසුවී මියගොස් සිටි කොටියෙකුගේ සිරුර අද (02) දින මෙයට සුළු මොහොතකට පෙර සොයාගෙන තිබේ.
වන සංරක්ෂණ නිලධාරින් නිරීක්ෂණය චාරිකාවක යෙදී සිටියදී කැලෑවෙන් පැමිණි දුගදක් පිළිබද විපරම් කර බැලීමේදී මෙම කොටියාගේ සිරුර හමුවී ඇත.
අඩි හයක් පමණ දිගැති මෙම කොටියා මෙයට දින තුනකට පමණ පෙර කම්බි මද්දකට අසුව මියැදෙන්නට ඇතැයි වන සංරක්ෂණ නිලධාරින් විශ්වාස කරයි.
අදාල සිදුවීම වහාම වනජීවි නිලධාරින්ට දැනුවත්කිරීමට වන සංරක්ෂණ නිලධාරින් පියවර ගෙන තිබේ. ශ්‍රිපාද රක්ෂිතයේ සිටි කළු කොටියා නල්ලතන්නිය වතුයායකදී මද්දකට අසුවී මියගොස් අදට ගතවී ඇත්තේ දින තුනක් පමණි.
මෙයට පෙර මියගොස් සිටියදී සොයාගත් දුර්ලභ කළු කොටින්ගෙන් තිදෙනෙකුම සිංහරාජ රක්ෂිතයට ආසන්නයේදී සොයාගෙන තිබිණි.
