පොලිස් අත්අඩංගුවේ දී මියගිය අමෙරිකානු සම්භවයක් සහිත අමෙරිකානු ජාතික ජෝර්ජ් ෆ්ලොයිඩ්ගේ මරණය ඝාතනයක් බවට අනාවරණය වීමත් සමග එරට ක්‍රියාත්මක උද්ඝෝෂණ හා විරෝධතා තවදුරටත් ප්‍රචණ්ඩකාරී අතට හැරී ඇතැයි එරට මාධ්‍ය වාර්තා කර සිටී .
ෆ්ලොයිඩ් ගේ මරණය ට අදාළ මරණ පරීක්ෂණ වාර්තාවෙන් මේ බව ප්‍රකාශයට පත් කර ඇති අතර එහිදි අනාවරණය වී ඇත්තේ ඔහුගේ ගෙළ සිරවීමෙන් ශ්වසනය කිරීමට නොහැකිව මරණය සිදුව ඇති බවයි.
එමෙන්ම ඔහු හෘද රෝගී තත්ත්වයෙන් පසුවන බවත් මරණයට පත්වන අවස්ථාවේ මත්ද්‍රව්‍ය භාවිත කර ඇති බවට ද අදාළ වාර්තාවෙන් අනාවරණය වී තිබේ.
ජෝර්ජ් ෆ්ලොයිඩ් ගේ ඝාතනයට එරෙහිව පැවැත්වෙන විරෝධතා මේ වනවිට එරට ප්‍රාන්ත 16ක් පුරා පැතිර ගොස් ඇති අතර ඒවා පාලනය කිරිමට ප්‍රාන්ත බලධාරින් ක්‍රියා නොකරන්නේ නම් තමන් හමුදාව යොදවන බවට ජනාධිපති ඩොනල්ඩ් ට්‍රම්ප් අද දින අවධාරණය කර සිටියේය
