එළඹෙන නොවැම්බර් මාසයේ දී පාසල් විවෘත කිරීමට සැලසුම් සකස් කරමින් සිටින බව අධ්‍යාපන අමාත්‍යංශය පවසයි .
දිවයින පුරා පාසල් විවෘත කිරීමට හැකි මාර්ගෝපදේශ මාලාව හෙට වන විට සකස් කර ලබාදෙන ලෙස ජනාධිපති ගෝඨාභය රාජපක්ෂ මහතා, සෞඛ්‍ය අමාත්‍යාංශයට දැනුම් දී ඇත.
විශේෂඥ වෛද්‍යවරු, තාක්ෂණික ඇගයීම් කටයුතු නියෝජිතයන් හා අධ්‍යාපන අමාත්‍යාංශයේ ද සහයෝගය මත එම මාර්ගෝපදේශ මාලාව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන විසින් සකස් කර ජනාධිපතිවරයාට භාරදීමට නියමිතය පාසල් විවෘත කිරීමට අදාළ සැලසුමක් අධ්‍යාපන අමාත්‍යාංශය මේ වන විටත් සකස් කර තිබෙ. එම සැලසුමට අනුව නොවැම්බර් මාසයේ දී පෙර පාසල් විවෘත කිරීමට නියමිතය.
පාසල් විවෘත කිරීම සම්බන්ධයෙන් ජනාධිපතිවරයාගේ ප්‍රධානත්වයෙන් ඉකුත් සිකුරාදා පැවැති කොවිඩ් කාර්යය සාධක බළකා රැස්වීමේදී ද අවධානය යොමු කෙරුණා. ළමයින් අඩු ග්‍රාමීය පාසල් හා ප්‍රාථමික පාසල් විවෘත කළ හැකි බව අමාත්‍යවරුන් කිහිපදෙනෙකු එහිදී පෙන්වා දී ඇත.
මේ අතර පාසල් ආරම්භ කිරීමට පෙර ගුරු – විදුහල්පති ගැටළුවලට විසදුම් ලබාදෙනු ඇතැයි ලංකා ගුරු සංගමය පවසයි .
