පළාත් පාලන ආයතන කිහිපයක ලබන වසර සඳහා වන අයවැය පරාජය කිරීමට සහය දුන් සිය පක්ෂයේ සභිකයින්ට එරෙහිව විනය කි‍්‍රයාමාර්ග ගන්නා බවයි ශී‍්‍ර ලංකා පොදුජන පෙරමුණ අවධාරණය කර සිටී.
එම පක්ෂයේ ලේකම් පාර්ලිමේන්තු මන්තී‍්‍ර නීතීඥ සාගර කාරියවසම් මහතා මාධ්‍ය වෙත පැවසුවේ .සිය පක්ෂයට බලය හිමි පළාත් පාලන ආයතන කිහිපයක ලබන වසර සඳහා වන අයවැය පරාජයට පත්වීම, අදාළ පළාත් පාලන ආයතනවල සභාපතිවරුන්ගේ පෞද්ගලික කි‍්‍රයාකලාපයන්ට එරෙහිව සිදු වූවක් බවය.
ඇතැම් පළාත් පාලන ආයතනවල සභාපතිවරුන්, සංවර්ධන ව්‍යාපෘති කි‍්‍රයාත්මක කිරීමේදී කොට්ඨාසයට අදාළ සභිකයින් සහභාගී කරවා නොගැනීම හේතුවෙන් මෙම ගැටළුකාරී තත්ත්වයක් මතුව ඇති බවද ඔහු පැවසීය.
කෙසේ වෙතත්, එවැනි ගැටළු පවතින්නේ නම් පක්ෂය දැනුවත් කරන ලෙසත්, එසේ නොමැතිව අයවැයට එරෙහිව ඡන්දය ලබානොදෙන ලෙසත් සිය පක්ෂයේ සියළුම පළාත් පාලන ආයතන සභිකයින් වෙත මීට පෙර ලිඛිත දැන්වීමක් කළ බව ශී‍්‍ර ලංකා පොදුජන පෙරමුණේ ලේකම්වරයා මෙහිදී කියා සිටියේය.
එවැනි දැනුම්දීමක් කර තිබියදී පක්ෂයේ තීරණය නොතකමින් කටයුතු කළ සභිකයින්ට එරෙහිව විනය කි‍්‍රයාමාර්ග ගන්නා බව ද පාර්ලිමේන්තු මන්තී‍්‍ර නීතීඥ සාගර කාරියවසම් පැවසීය.
ඊට අමතරව සභිකයින් සමග ගැටළු ඇති කරගත් පළාත් පාලන ආයතන ප‍්‍රධානීන් සම්බන්ධයෙන් ද සොයා බලා අවශ්‍ය කි‍්‍රයාමාර්ග ගැනීමට පක්ෂය තීරණය කර ඇති බව ශී‍්‍ර ලංකා පොදුජන පෙරමුණේ ලේකම්වරයා කියා සිටියේය.
