ප්‍රබෝධා හෙට්ටිආරච්චි
රට පුරා ස්ථාන කිහිපයක පාස්කු ඉරිදා දිනය පුරා එල්ල වූ බෝම්බ ප්‍රහාර නවසීලන්තයේ ක්‍රයිස්චර්ච් සංහාරයට ප්‍රතිප්‍රහාරයක් ලෙස ඉස්ලාම් ත්‍රස්ත සංවිධානයක් විසින් එල්ල කර ඇති බව ආරක්ෂක රාජ්‍ය අමාත්‍ය රුවන් විජේවර්ධන මහතා අද අනාවරණය කළේය.
හෙතෙම මේ බව පැවසුවේ අද පැවති විශේෂ පාර්ලිමේන්තු රැස්වීම අමතමින්ය.
ඉස්ලාම් ත්‍රස්තවාදී කණ්ඩායමක් විසින් මෙම ප්‍රහාර එල්ල කර ඇති බවත් ඔවුන් තව්හිත් ජමාත් වැනි සංවිධාන සමග සමීප සබඳතා පවත්වා ඇති බවට ද තොරතුරු ඇතැයි ඔහු පැවැසීය.
ජාතික ආරක්ෂාව ශක්තිමත් කිරීමට නම් සියලු අන්තවාදී කණ්ඩායම්වලට එරෙහිව කඩිනම් පියවර ගත යුතු බව හෙතෙම වැඩිදුරටත් අවධාරණය කළේය.
