PCR පරීක්ෂණ ප්‍රමාණය අඩුකර , රට තුල පෙන්නුම් කරන කොවිඩ් රෝගීන් ගණන අඩු කරගැනීමට උත්සාහ දරනවානම් එය බෝම්බයක් මත සිටිනවා වැනි භයානක කරුණක් බව රජයේ වෛද්‍ය නිලධාරීන්ගේ සංගමය අනතුරු අඟවා සිටී .
දෛනිකව මෙරට තුල සිදුකෙරෙන PCR පරීක්ෂණ සංඛ්‍යාව මේ වනවිට 10000 දක්වා අඩුවී ඇති බවත් ,මේ පිළිබඳව බලධාරීන්ගේ අවධානය වහාම යොමුවිය යුතු බවත් රජයේ වෛද්‍ය නිලධාරීන්ගේ සංගමයේ සංස්කාරක හරිත අලුත්ගේ මහතා මාධ්‍ය වෙත පැවසීය ,
මේ පිළිබඳව වැඩිදුරටත් අදහස් දක්වමින් ඒ මහතා මෙසේද පැවසීය .
pcr පරීක්ෂන ධාරිතාව 20,000 දක්වා ඉහළ නංවා ගතයුතු බව වසංගත රෝග විද්‍යා ඒකකයම දැනුම් දී තිබි‍යදී පසුගිය දෙසතිය ඇතැම් අවස්ථාවල එය 10,000ටත් අඩු මට්ටමකට පහත වැටී තිබුණ, එතකොට අපි දැන් අපේ රෝගීන් ගාණ අඩු කරගන්න කරමින් ඉන්නෙ PCR ප්‍රමාණය අඩුවීමෙන් රෝගීන් අඩුවෙනවා නම් ඒක අපිට නොපෙනෙන සැඟවුණු බෝම්බයක් තමයි මේ දැල්වෙමින් තියෙන්නෙ.
ඒ නිසා විශේෂයෙන්ම අපි PCR ධාරිතාවය උපරිමය කරමින් ඒ ධාරිතාවය එක්තරා මට්ටමක පවත්වා ගනිමින් තමයි මේ ආවේක්ෂණ ක්‍රියාවලිය පවත්වාගෙන යන්න ඕනෙ. දැන් අපි PCR වැඩි කරලා රෝගීන් ටික හඳුනාගත්තෙ නැතිනම් ඉදිරියේදී රෝගීන් තව වැඩිවෙන්න පුළුවන්. බලධාරීන්ට අපි ඒ පණිවිඩය දෙන්නෙ, මේ තත්වය ගැන සැලකිලිමත් වෙන්න. ජනතාවට වගේම අපි හැමෝටම මේ වෙලාවෙ වගකීමක් තියෙනවා”
