රට තුළ ආහාර අර්බුදයක් පවතින මෙවන් අවස්ථාවක බුෆේ ක්‍රමය යටතේ ආහාර අලෙවි කරන ස්ථානවල සියයට 50ක පමණ ආහාර නාස්තියක් සිදුවන බවට අනාවරණ වී තිබෙනවා.
පේරාදෙණිය විශ්වවිද්‍යාලයේ කෘෂිකර්ම පීඨයේ කෘෂි විද්‍යාඥයෙක් සිදු කළ පරීක්ෂණයකදී ඒ බව අනාවරණය වී ඇති බවයි එම විශ්වවිද්‍යාලයේ කෘෂිකර්ම පීඨයේ බෝග විද්‍යා අංශයේ ජ්‍යේෂ්ඨ මහාචාර්ය බුද්ධි මාරඹේ පැවසුවේ. එලෙස සිදුවන ආහාර නාස්තිය වළක්වා ගැනීම සදහා සියලු දෙනා කටයුතු කළ යුතු බවයි ඔහු සදහන් කළේ.
ආහාර නාස්තියට බලපෑ ඇති තවත් කරුණු කිහිපයක් පිළිබදව පේරාදෙණිය කෘෂි විද්‍යාලයේ කෘෂිකර්ම පීඨයේ බෝග විද්‍යා අංශයේ ජ්‍යේෂ්ඨ මහාචාර්ය බුද්ධි මාරඹේ මෙලෙස පැහැදිලි කළා.
මේ අතර ලෝක ආහාර දිනය අදට යෙදී තිබෙනවා.
