තවත් දින 3 කින් අවසන් වීමට නියමිත බෝරා මුස්ලිම් සමුළුවෙන් බලාපොරොත්තු වූ ආදායම බිලියන 05 ක් වුවද මේ වන විට ආදායම බිලියන 9 ක් දක්වා ඉහළ ගොස් ඇතිබව thecolomboexpress.com අපට වාර්තා වෙනවා.
21,000 ක පමණ පිරිසක් පැමිණෙන බව කලින් ප්‍රකාශ කර තිබුණත් මේ වන විට ලංකාවට පැමිණි බෝරා මුස්ලිම් ජාතිකයන්ගේ ප්‍රමාණය 31,000 කට වඩා වැඩි බවත් සංවිධායකයින් අප සමග ප්‍රකාශ කලා.
එසේම 10 වනදා සමුළුව අවසන් වීමෙන් පසු පැමිණි සියළුම දෙනා පාහේ ලංකාව පුරා සංචාරය කිරිමට මේ වන විට සැලසුම් කර ඇති අතර ඇල්ල, සීගිරිය, දකුණ, ආදි ප්‍රදේශ වල හෝටල් සහ සෆාරි බංගලා ආදිය මේ වන විට වෙන්කර ඇති බවත් අප කල සොයා බැලීමේදි වාර්තා වුනා.
පසුගියදා ඇතිවූ රථ වාහන තදබදය සම්බන්ධයෙන් අප පොලිසියේ ඉහළ නිළධාරියකුගෙන් කල විමසීමේදී ඔහු ප්‍රකාශ කලේ මුල් දින කීපයේම මේ ගැටළුව පැවතියද පසුව එය මගහැරී ගිය බවයි.
කොල්ලුපිටිය බම්බලපිටිය ආශ්‍රිත මුහුදුබඩ දුම්රිය මාර්ගයේ ගමන් ගන්නා දුම්රියවලට වේග සීමා පැන වීමටද සිදුවූ බව ඔහු පැවසුවා හේතුව ලෙස ඔහු සදහන් කලේ ඒ ආශ්‍රීත ප්‍රදේශයේ වැඩිම දුම්රිය අනතුරු සිදුවන බැවින් බෝරාවරුන් ඒ හරහා ගමන් කිරිම නිසා බවයි. එසේම බොහොමයක් බෝරාවරුන් කොළඹ තමන්ගේ ගමනාගමනය සදහා පොදු ප්‍රවාහන බස් රථ භාවිත කල බවද ඔහු වැඩිදුරටත් සදහන් කලා.
බෝරා සමුළුවට සහභාගිවන සැමට උදේ දිවා සහ රාත්‍රී ආහාරවේල් සියල්ලම ලබාදෙන අතර දිනකට අවම වශයෙන් 21,000 ක පිරිසක් අහාරපාන ලබා ගන්නා බවත් එසේම අහාරපාන සකස් කිරිමේ කටයුතු වලට ඉන්දියානු තරු පන්තියේ කෝකිවරුවන් 500 ක පිරිසක් සහ තවත් 1000 කට ආසන්න පිරිසක් එම කටයුතු වල නිරත බවත් වැඩිදුරටත් සදහන් වේ.
සමුළුවේ ආරක්ෂාව වෙනුවෙන් කටයුතු කරන පොලිසියේ සහ ත්‍රිවිධ හමුදාවේ සාමාජිකයන් 2500 ක පිරිසටද අවශ්‍ය සියළුම ආහාරවේල් ලබාදීමට සංවිධායකයින් කටයුතු කර ඇති බවත් වාර්තා වේ.
ශ්‍රී ලංකාවේ සිටින්න්නේ බෝරා මුස්ලිම්වරුන් 2500 පමණක් බව සදහන් වේ.
