කොවිඞ් 19 වයිරසය ව්‍යාප්තිය හේතුවෙන් මැදපෙරදිග සේවය කරන ශ්‍රී ලාංකිකයන් 20,000 කගේ පමණ රැකියා අහිමිවීය හැකි බව ශ්‍රී ලංකා විදේශ සේවා නියුක්ති කාර්යාංශය අනතුරු අඟවා සිටී .
මේ වනවිට මැදපෙරදිග ආයතන හා කර්මාන්තශාලා රැසක් වැසී යාම හේතුවෙන් මෙම අනතුර මතුව ඇති බවද කාර්යංශය සඳහන් කර සිටී.
මේ අතර අප්‍රේල් මැයි හා ජුනි මාස තුනේ දී විදේශ රැකියාවන්ට යාමට බලාපොරොත්තුවෙන් සිටි 30,000 කට ආසන්න පිරිසකටද කොවිඩ් -19 පැතිරයාම හේතුවෙන් එම රැකියාවන්ට යාම මගහැරී ඇති බවද වාර්තාවේ.
එකී රැකියා අවස්ථා යලි ලබා ගැනීම පිළිබඳව කාර්යංශය මැදිහත්ව කටයුතු කරමින් සිටින බව එහි ප්‍රකාශකයකු පැවසීය.
රැකියා අහිමිවී හෝ වැටුප් අහිමිව මැදපෙරදිග සිටින පිරිස් පිළිබඳව තානාපති කාර්යාල මට්ටමින් සොයා බලන බවත් අවශ්‍ය පහසුකම් සළසාලීමට පියවර ගන්නා බවද කාර්යාංශය සඳහන් කර සිටී.
