ශ්‍රී ලංකාවේ කොරෝනා මර්දන වැඩපිළිවෙළ ශක්තිමත් කිරීම සඳහා ලෝක සෞඛ්‍ය සංවිධානය හා යුරෝපා සංගමය එක්ව යුරෝ මිලියන 02 ක (රු.මිලියන 457) ක ප්‍රදානයක් ලබාදී ඇත .
එම මූල්‍යාධාර අද දින සෞඛ්‍ය අමාත්‍යාංශයේදී යුරෝපා සංගමයේ තානාපති ඩෙනිස් චව්බි (Denis Chaibi) විසින් සෞඛ්‍ය අමාත්‍ය පවිත්‍රා වන්නිආරච්චි වෙත භාර දුන්නේය ,
හදිසි අවස්ථාවන්හිදී රෝහල් වල ඇතිවන අවශ්‍යතාවයන් සඳහා වෛද්‍ය උපකරණ මිලදී ගැනීම් ඇතුළු කොවිඩ් මර්දන ක්‍රියාවලියේදී රෝහල් වල යටිතල පහසුකම් සංවර්ධනය කිරීමට මෙම අරමුදල් පරිහරණය කරන ලෙසට යුරෝපා සංගමයේ තානාපති ඩෙනිස් චව්බි මහතා මෙහිදී සෞඛ්‍ය අමාත්‍ය පවිත්‍රා වන්නිආරච්චි මහත්මියගෙන් ඉල්ලා සිටියේය
එම අවස්ථාවට ලෝක සෞඛ්‍ය සංවිධානයේ නේවාසික නියෝජිත වෛද්‍ය රාසියා පෙන්සේ,සෞඛ්‍ය අමාත්‍යාංශයේ ලේකම් මේජර් ජෙනරාල් වෛද්‍ය සංජීව මුණසිංහ,සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන එක්ව සිටියහ..
