ශ්‍රී ලංකාවේ ණය හිමියන් සදහා සම්මන්ත්‍රණයක් සංවිධාන කිරීමට ජපානය කටයුතු කරමින් සිටින බව විදෙස් මාධ්‍ය වාර්තා කළා.
මෙම සම්මන්ත්‍රණය සමග ශ්‍රී ලංකාවේ ණය ගැටලුව බොහෝ දුරට විසදා ගැනීමට හැකි වනු ඇති බවයි මූල්‍ය විශ්ලේෂකයන් පෙන්වා දෙන්නේ. සම්මන්ත්‍රණයට චීනය සහභාගී වන්නේද යන්න පිලිබදව මෙතෙක් පැහැදිලි නොමැති බව විදෙස් මාධ්‍ය සදහන් කළා. චීනය ශ්‍රී ලංකාවේ විශාලතම ණය හිමියකු වනවා.ශ්‍රී ලංකාවේ දෙවන විශාලතම ණය හිමියා වන්නේ ජපානයයි.
කෙසේ වෙතත් චීනය ඉන්දියාව ආදී රටවල් අතර පවතින රාජ්‍ය තාන්ත්‍රික ආතතිකාරී තත්ත්වයන්, බාධාවන් එල්ල කරන බවද විදෙස් මාධ්‍ය පැවසුවා. කෙසේ වෙතත් චීන විදේශ කටයුතු අමාත්‍යාංශය සදහන් කර ඇත්තේ අදාළ රටවල් සහ ජාත්‍යන්තර මූල්‍ය ආයතන සමග තම රජය ධනාත්මක ලෙස කටයුතු කිරීමට සූදානම් බවයි.
ණය හිමියන්ගේ සමුළුව බොහෝ දුරට සැප්තැම්බර් මාසයේදී පැවැත්වෙනු ඇති බවට විශ්වාස කෙරෙන්නේ. ජාත්‍යන්තර මූල්‍ය අරමුදලේ විශ්ලේෂණයෙන් පසුව ණය හිමියන් සිය ක්‍රියාමාර්ග ගනු ඇති බව විදෙස් මාධ්‍ය සදහන් කළා
