මෙම වසර අවසාන වනවිට නව කොරෝනා වෛරසයට එරෙහි එන්නතක් නිපදවිය හැකි යැයි විශ්වාස කරන බව ලෝක සෞඛ්‍ය සංවිධානය අවධාරණය කර සිටී.
කොරෝනා වසංගතයට ඇති එකම තිරසාර විසදුම එවැනි එන්නතක් නිපදවීම පමණක්ම වන බවද ලෝක සෞඛ්‍ය සංවිධානයේ කොවිඩ්-19 ප්‍රතිචාර ඒකකය සඳහන් කර ඇත.
මේ වනවිට කොවිඩ්-19 එන්නත් 100කට වැඩි සංඛ්‍යාවක් පිළිබඳව ලොව පුරා විද්‍යාඥයන් පැය 24 පුරාම පර්යේෂණ කරමින් සිටින බවත් ඒ සඳහා අවශ්‍ය පූර්ණ සහය ලබාදීමට කටයුතු කරන බවත් ලෝක සෞඛ්‍ය සංවිධානය මෙහිදී සඳහන් කර ඇත.
කෙසේ වෙතත් වේගවත් කාලසටහනකට නිපදවෙන එන්නතකින් ලැබෙන ආරක්ෂාව හෝ කාර්යක්ෂමතාව පිළිබඳ සියලු දෙනා එකඟවන සම්මුතියක් ඇති කළ නොහැකි බව සෞඛ්‍ය සංවිධානය සඳහන් කර ඇත.
