දිලිදුකම පිටුදැකීම වෙනුවෙන් වත්මන් රජය දියත් කර ඇති වැඩපිළිවෙළ අගය කල යුතු මට්ටමක පවතින බව එක්සත් ජාතීන්ගේ සංවිධානය ප්‍රකාශ කර සිටී.
ජනාධිපති ගෝඨාභය රාජපක්ෂ මහතා සමග පැවති සාකච්ජාවකදී ජගත් සංවිධාන නේවාසික සම්බන්ධීකාරක හැනා සිංගර් මහත්මිය මේ බව සඳහන් කර ඇත.
දිලිදුබව පිටුදැකීම,පිළිබඳව මෙන්ම කාලගුණික විපර්යාස, රජයේ ආයතන ඩිජිටල්කරණය, අතුරුදන් වූවන් පිළිබද ගැටලුව, කළමනාකරණය ඇතුළු ගැටලු ගණනාවක් මෙහිදී අවධානය යොමුකෙරුණු බවද ජගත් සංවිධානය නිවේදනය කර සිටී.
අධ්‍යාපන ක්ෂේත්‍රය, තොරතුරු තාක්ෂණ විෂය ප්‍රවර්ධනය සහ රාජ්‍ය ආයතන ඩිජිටල්කරණය යන කටයුතුවලදී එක්සත් ජාතීන්ගේ සංවිධානයේ සහාය ලබාදීමටද ජගත් සංවිධාන නියෝජිතවරිය මෙහිදී පොරොන්දුවිය .
අතුරුදන් වූ පුද්ගලයින්ගේ පවුල්වල ජීවනෝපාය මාර්ග සංවර්ධනය වෙනුවෙන් ක්‍රමවේදයක් සකස් කිරීමට සැළසුම්කර ඇති බවද ජනාධිපතිවරයා නෙහිදී සඳහන් කර ඇත .
